TULA-TULANO
SANGIA WARUMBEI
Dhamani waono naandoomo nikonando Wa Rumbei.
Warumbei nagha neano mie robhine, nifahamughoondo awando wale-ale. Kontu anagha
lateno te wunta-wunta, norme pedamo seghonu medha notukoe fato poi kontu
morubuno. Ne wuntano naando o loso, ikonando losono radhaki.
Losono radhaki anagha nembali katantuano radhakino liwu setaghu folu. Norato kaawu maanano bongkano taghu, nikonando Fonisihano Turunano sangia. Nolapasi kaawu dalangino tutura, nofolukumo limano mampeda nelosono kontu sangia otawa losono radhaki. Barangka nofoluku limano mampeda inia, nondalo maka noratoe dasarano, maananoa nondalo dua radhakiino liwu setaghu folu. Pedamo dua nampu nofoluku limano Mampeda miina naendalo losono, sanorowi noratoemo, maananoa nomaho dua radhaki otawa dowisw-wise radhakiino liwu.
Nandomo seghonu kadhadhia welo liwu. Doratomo tantara katuduno Ternate nikonando kapuburusino tobelo, damohansuru liwuno wale-ale. Damohansurumo kaawu liwuno wale0ale ini, dofetingkemo bisara, lenteno maighoo te wawo gunu Warumbei ini.
“lahae bhaara itu somohansuruno Wale-ale?”
Dofetingke kaawu bisara anagha tantara Topbelo kansuru dofoni tewawono gunu Warumbei ini, dokapihi totono kamaighoohano bisara maitu. Gaar bisara nefetingkendo maitu nobhete maighoo welo sepoi kontu bhalano (kontu sangia). Pasino anagha tifetingkeno tora suara: “Koe omehanda-handaamua ne Wale-ale ini. Liwu aini liwu molala. Kadekiho ewangiomu mieno, karukuno kaawu paemo otumaloeomu. Natumalomo karukuno, potumaloomu kontuno. Natumalomo kontuno, potumaloemu oeno. Natumalomo oeno, potumaloemu wutoku.”
Tantara Tobelo dofetingka bisara anagha nohende amarando. Dopamurumo tantara Tobelo ini damohansuru kontu bisarano nagha. (dadihanomo kontu sangia warumbei mina naengkonu peda sawawono, rampano doturakie tantara Tobelo). Tudu pogau, sesehae doratodamo kawule tantara Tobelo ini bhe noratoda kampau. Dealamo roono sau maanano sokaempesindo daolodo welo kawule bhe kampaundo maitu. Pasino kaawu, noratodamo kamoito molala koseghuluhando. Kulindo norara pasae nekantibhano rendeno ifi. Kansuru dokofile-filei tantara Tobhelo ini.
Bhalipogau, naandomo dua mie welo liwu kakalabhia otawa o wali-wali, neano Wa Rumbei. Wa Rumbei nagha nefahamughoondo liwu awanomo Wale-ale, rampano anoa nagha bhaa-bhaano tumarimano kitabhu maighoo ne Saidhi Rabba o Quraani.
Nandomo kaawu kadhadhiano tantara Tobelo ini, dosangiaemo mieno liwu kontu bisarano nagha. Nefoghonumo mieno liwu Wa Rumbei ini damufakaghoo so Tuturano Kontu Sangia. Dopokakapoi mieno liwu maanano, dorame-rame bhe domangarohiane maitu mbali tumpuno lalondo maananoa, sawali dhaano kontu sangia notalo tantarano Tobelo.
Welo tuturano sangia doniati maananoa mbali kasalamabhari-bhari bhe kasalamano liwu, nobhatatamo Wa Rumbei ini welo tuturano maitu: “laha-lahae pata marasaeano fonisihano tuturano sangia, namintarae sangiano wite. Nakumala welo karuku natu maburie kampulaho, tawa nakumala we tehi natumoloe buea, natibuna wurino, naeghefi-ghefi, naeghabu-ghabu we wite morani”. Kansuru noila wa Rumbei maitu.
Dadihanomo kontu sangia dokonae sangia Wa Rumbei rampahano dofahamuane mieno liwu, wa rumbei ini posarangkano welo kontu tumalonomu kampuburusi otawa tantara Tobelo ini. Sesetaghu namesua wulano poasaha, sangia warumbei sadhi dotuturae nikonandomo tuturano sangia warumbei.
Losono radhaki anagha nembali katantuano radhakino liwu setaghu folu. Norato kaawu maanano bongkano taghu, nikonando Fonisihano Turunano sangia. Nolapasi kaawu dalangino tutura, nofolukumo limano mampeda nelosono kontu sangia otawa losono radhaki. Barangka nofoluku limano mampeda inia, nondalo maka noratoe dasarano, maananoa nondalo dua radhakiino liwu setaghu folu. Pedamo dua nampu nofoluku limano Mampeda miina naendalo losono, sanorowi noratoemo, maananoa nomaho dua radhaki otawa dowisw-wise radhakiino liwu.
Nandomo seghonu kadhadhia welo liwu. Doratomo tantara katuduno Ternate nikonando kapuburusino tobelo, damohansuru liwuno wale-ale. Damohansurumo kaawu liwuno wale0ale ini, dofetingkemo bisara, lenteno maighoo te wawo gunu Warumbei ini.
“lahae bhaara itu somohansuruno Wale-ale?”
Dofetingke kaawu bisara anagha tantara Topbelo kansuru dofoni tewawono gunu Warumbei ini, dokapihi totono kamaighoohano bisara maitu. Gaar bisara nefetingkendo maitu nobhete maighoo welo sepoi kontu bhalano (kontu sangia). Pasino anagha tifetingkeno tora suara: “Koe omehanda-handaamua ne Wale-ale ini. Liwu aini liwu molala. Kadekiho ewangiomu mieno, karukuno kaawu paemo otumaloeomu. Natumalomo karukuno, potumaloomu kontuno. Natumalomo kontuno, potumaloemu oeno. Natumalomo oeno, potumaloemu wutoku.”
Tantara Tobelo dofetingka bisara anagha nohende amarando. Dopamurumo tantara Tobelo ini damohansuru kontu bisarano nagha. (dadihanomo kontu sangia warumbei mina naengkonu peda sawawono, rampano doturakie tantara Tobelo). Tudu pogau, sesehae doratodamo kawule tantara Tobelo ini bhe noratoda kampau. Dealamo roono sau maanano sokaempesindo daolodo welo kawule bhe kampaundo maitu. Pasino kaawu, noratodamo kamoito molala koseghuluhando. Kulindo norara pasae nekantibhano rendeno ifi. Kansuru dokofile-filei tantara Tobhelo ini.
Bhalipogau, naandomo dua mie welo liwu kakalabhia otawa o wali-wali, neano Wa Rumbei. Wa Rumbei nagha nefahamughoondo liwu awanomo Wale-ale, rampano anoa nagha bhaa-bhaano tumarimano kitabhu maighoo ne Saidhi Rabba o Quraani.
Nandomo kaawu kadhadhiano tantara Tobelo ini, dosangiaemo mieno liwu kontu bisarano nagha. Nefoghonumo mieno liwu Wa Rumbei ini damufakaghoo so Tuturano Kontu Sangia. Dopokakapoi mieno liwu maanano, dorame-rame bhe domangarohiane maitu mbali tumpuno lalondo maananoa, sawali dhaano kontu sangia notalo tantarano Tobelo.
Welo tuturano sangia doniati maananoa mbali kasalamabhari-bhari bhe kasalamano liwu, nobhatatamo Wa Rumbei ini welo tuturano maitu: “laha-lahae pata marasaeano fonisihano tuturano sangia, namintarae sangiano wite. Nakumala welo karuku natu maburie kampulaho, tawa nakumala we tehi natumoloe buea, natibuna wurino, naeghefi-ghefi, naeghabu-ghabu we wite morani”. Kansuru noila wa Rumbei maitu.
Dadihanomo kontu sangia dokonae sangia Wa Rumbei rampahano dofahamuane mieno liwu, wa rumbei ini posarangkano welo kontu tumalonomu kampuburusi otawa tantara Tobelo ini. Sesetaghu namesua wulano poasaha, sangia warumbei sadhi dotuturae nikonandomo tuturano sangia warumbei.
Tidak ada komentar:
Posting Komentar