do-not-copy { -webkit-user-select:none; -khtml-user-select:none; -moz-user-select:none; -ms-user-select:none; user-select:none;

Senin, 10 November 2014

Puisi lama bahasa daerah muna



Puisi lama bahasa daerah muna


Mantra
Naando nafeili mina naefeili
Morokono nopapa bisa notembe
Gholea naghumira
   
Syair
kakesano wurahano kamberano
nowae sulino kapandano gholeo
mina nobisara nobhala lalono
nowora inano nosulimo

Karmina
Amaituini obone, amapaitu ghuti
Amaituini doasiane, ampaitu de bansi

Gurindam
 Pakapakano dofekiri padakawu minamo
Alamatino nohansurumo

Talibun
Aesalo nekakawasano ompu
Sio-siomo pomeghawa katoo
Padagho kawu lalomu
Mandeno pobandingino
Kabua taka palenda
Bhe lau cinta

Prosa lama
Kisah
Bhabhano kanandohano mieno wuna
Ambano tula-tula mieno wuna nomaigho wemanggasa neano sawerigadi. Wakutuno  nohela noghulu matagholeo, bhangka sawerigadi nofetumpu tekaghotiha kaudhuno wuna neano liwu buku. Liwu aini ampaitu nelate newunta-wuntano witeno wuna, mieno nopinda weliwuno bahutara kalabuhano bhangka sawerigadi. Bahutara dopandehanedua neano kontukowuna(batu berbunga).
Minaho narumato bhangka sawerigadi, nandomo mieno wuna neano tomuna maanano mieno wuna. Andoa mieno wuna bhabhano. Ambano tula-tula mieno bhangka sawerigadi dofatofulu, bhangkano nahumunda nokala nomponakawu nembalimo kontu, padakawu mbadhano bhangkano nembali kabawo bhe lia. Lia ampaitu dokonae liano bahutara ampaituini dokonae liwu timotehi. Ambano tula mieno bhangka sawerigadi siga dosuli teluwu Sulawesi tengah nando dua temekongga.
Nehamai karatohando derabu liwu neano sawerigadi. Taewuna numanda kansopa liwundo dokonae lagadi. Welagadi delate mina naompona, andoa dosuli derabuliwu webuku teliwuno buku andoa dogaa bhe mieno wuna, anahihindo nobhari padakawu nembalimo seghonu liwu bhalano neano tongkuno. Andoamoini berabuno bhe membalino radhano wuna.         
Dongeng
Owolawo bhe bheka
    Bhekaini  nakantunumo  mafu maka nolodo. Lapasi nolodo nowanumo  noghondo mafu nekantununo minamo noworae padamo no fumae wolawo, gara wolawo nogaga mina neala mbano, mbano bhekasoba momanga,gara lelano wolawo nodhea, ingka ofumae ihintu gara mafuku, padaaitu dopohambamo. Dadihanomo tampaitumo obheka bhe wolawo dopomusu kansuru

   
Pantun Bahasa Daerah Muna
Pantun Anak-anak

Kakesano wurahano kamberano
Nolola nokala nelili
Mina nobisara nobhala lalono
Nowora inano nosuli

Pantun Remaja

Atughumo sau wisole
Afopulae ne sampalu
Maumo panamasole
Sumano koe tahampalu


Pantun teka-teki

Kabhie detungku kasaera
Doowae dosuli we lahontohe
Anekamokula nolera
Kadadihae katanduno weghaghe


Pantun Agama

Akala aeuta sewua konduru
Aangkaa dua aeala bhea
Noghae mayati welo koburu
Fekiri wuto mina sumambahea


Pantun Jenaka

Ani akumala we wale ale
Akumalagho pokatende-tende
Nowulemo karambau neale ale
Newora ndoke nepake mata tonde

Tidak ada komentar: